نصف كيلو صدور فراخ
ملح / فلفل ماء بصل
شرائح جبن امنتال ولو مش متوفر يبقي جبن شيدر
نوع كويس عشان تسيح لما تستوي شرائح لحم رومي مدخن
2 بيضه ودقيق وبقسماط للتحمير
خله اسنان لتقفيل الفراخ شرائح
خس وبطاطس محمره للتقديم
الطريقه..
نتبل الفراخ بالملح والفلفل ومياه البصل وتترك ساعه عشان تشرب التتبيله وبعدين ندق الفراخ بسيط بمدق اللحم بسيط عشان تبقي مفروده ومش تخينه وتستوي اسرع وبعدين احط شريحه جبن وفوقه شريحه رومي مدخن وبعدين الف الفراخ رول واقفله بالخله الخشب ونكرر اللي عملناه في باقي الصدور وبعدين احطه في الدقيق ثم البيض اللي عليه رشه فلفل اسود ثم البقسماط وبعدين احمر الفراخ بتاعتي في زيت غزير واقلبها علي الجنبين لحد ماتستوي وبعد ماتطلع من الزيت منساش اشيل الخله الخشب وبعدين اقطع كل صدر شرايح ونقدمه علي خس شرايح وبطاطس محمره وممكن ناكل جنبها مكرونه بالوايت صوص وممكن نقدمها في سندويشات والف هنا وشفا
ليست هناك تعليقات:
إرسال تعليق