يعني إيه...!!!...
يعني إيه قبل م أسألك ترد..
هو انا ممله لهالحد ؟؟...
هو انا ليه خفيفه ومش موزونه...
ولا انت اللي فاهمني بسهولة...
يعني إيه افكر الاقيك منفذ...
يعني إيه احلم بورده الاقيك ...
زارعيلي احلي جنينه...
يعني إيه تبص ف عينيا...
ترسملي احلي لوحه...
ف خيالي حاجات محيراني..
ابص أنا ف مرايتي ..
الاقيني مش صورة وردية..
ف كل مناسبة توصفني بأروع الكلمات...
كأني ملكه متوجه ف عالم انت مليكه...
ياتري هي دي احلام اليقظه...
وانا فعلاً فيا كل دا...
وأنا ليه مش شايفه وحاسه بكل دا...
هوانت اللي يتبالغ ...
ولا انا اللي مش فاهمه قيمه نفسي...
طاير بيا ف السما ...
واحلي نجمه هو انا...
دا إحساسك بيا وانا مش حاسه بيا...
يعني إيه تاخدني من ايديا ...
وفوق السحاب تسكني...
وانا ليه مش مصدقاني...
افكر فيك الاقيك قدامي...
اسئلة مش منطقية...
وأجوبة منك بديهية...
واتاري السر ياحبيبي...
ف عينيك الحلوة...
اللي شايفاني دايما حلوة...
ليست هناك تعليقات:
إرسال تعليق