اخر كلام
مرة واحده دخلت قلبي
مرة واحده بقيت كياني
وانهارده جاي تقولي
أنسي حبك والاماني
صعب عاالقلب اللى حبك
ينسي حبك مره واحده
ليه تقسي عليه قلبك
بعد شوقي ما كان ح يهدأ
الامال اللي بنيتها
فوق شطوط الحلم الاخضر
مرة واحده قوام نسيتها
والدموع ف عنيه تكتر
بين ايدك طفيت شموعي
بكلمه منك فى أحلى عيد
مين بقي يضمن رجوعي
وأنت عني بقيت بعيد
كنت بحلم بيك وأغني
لما أقابلك أو أشوفك
حتى صورتك جوه مني
حاضنه روحي ويا طيفك
كل دة اهو راح فى ثانيه
وانهدم ويا الاماني
وألامل فى كلمه تانيه
عيد قرارك ..قوله تاني
أد أيه كانت دموعي
نار بتكوي فى الضلوع
لما شاب وياك ربيعي
وأحنا فى عز الربيع
حتى مستكتر عليه
كلمه منك أو مقابله
كل شوق الدنيا فيه
مش اساور ويا دبله
اتحاسبنا كتير وياما
كان يادوب بينا العتاب
فوق خدودك ابتسامه
زى بدر ملوش سحاب
شوف ظروفي لو تقدر
وارحم القلب اللى حبك
لو بعدنا مش حنقدر
يتحرم قلبي وقلبك
أخر كلام قلته معايا
كل كلمه وعد منك
انك حنتصف يوم هوايا
وعمرى م ابعد مره عنك
كل ده حلم فى خيالى
صحيت لقيت الحلم ذكرى!!
صوره غاليه..لحب غالى
راح يعيش اليوم وبكره
وأنت برضه جوه قلبي
وأنت برضه جوه قلبي
ليست هناك تعليقات:
إرسال تعليق