==========
جواك أحساس مكسور وحزين
بتداري دموعك جوه العين
وملامحك تظهر لك عاكسك
علشان ماتفرحش الشامتين
أوجاعك بتزيد م القسوة
وتعافر وبتعمل أأقوي
هتروح فين منك طب قولي
وهتفرح زي، البني أدمين
أيامك بتمر بموتك
وبطيئة وبتطلع روحك
متشعبط ف القطر وعايز
تنزل في محطة شوق وحنين
والقطر بيجري بعزم ما فيه
ويمرمط فيك وبتمسك فيه
بتشعلق أحلام الماضي
علي خيط بتدوس الخلق عليه
ومسلم حالك للوحدة
قافل علي نفسك ميت ترباس
من كتر اللي، حصدته ف عمرك
بتخاف لو بتسلم ع الناس
دمروا جواك مليون أحساس
وبتشرب، منهم مر الكاس
لا بتعتب ولا جهدك يسمح
ولا تشرح قلبك ليه مكسور
بتموت ف اليوم يجي، ميت مرة
في تابوت الوهم ونايم فيه
لو تبرد روحك من جوه
بتلم كسور تدفي عليه
والماضي اللي، بينهش عضمك
ف خيالك ولا فارق ف عنيك
هتفوق أزاي أمتي هتصحي
من غير ولا قلب يفكر فيك
ليست هناك تعليقات:
إرسال تعليق