٥ فاشون👗
هنتكلم علي البنت الطويلة.
١-لازم تعرفوا أن أصلاً البنطلونات الچينز أتعملت عشان البنات الي عندها سيقان طويلة رجلين يعني عشان كده الجينز جميل جداً ومناسب للطوال سواء بنطلون أوسكيرت أو چاكيت طبعاً
ويفضل يكون طويل لو علي بنطلون أو سكيرت ولو دريس يفضل يبقي قصير .
٢- الدريسات المنقوشة أو المشجرة حلوة جداً وبتدي مظهر جميل للطوال وبلاش السادة لأنها بتخلي أن مظهر الجسم طويل أوي .
٣-البنطلونات والسكيرتس الهاي ويست يعني الي وسطها عالي حلوة جداً وبتدي مظهر جميل ومتناسق ليهم .
٤- البيلتس أو الأحزمة حلوة أووي وأتعملت عشانكوا وخصوصاً العريض منها بيبقي تحفة وبينسق الشكل العام كله أنا عن نفسي مبستغناش عنها وتندي كمية منها هبقي أنزلكوا صورهم مرة .
٥-الأكسسوارات الطويلة او الكبيرة يعني أعقاد أو سلاسل بتبقي حلوة ومناسبة بتاكل من طول الجسم شوية فبتنسق برضه.
٦-السكارفس بكل أشكالها ولفاتها علي الرقبة مع دخول الحجاب جوها منظر رائع وأنا بعشقه .
٧-لو أنتي طويلة طولك فوق المتوسط تجنبي الشنط الصغيرة خلي دايماً حجم الشنط بتاعتك متوسط أو كبير ده مناسب أكتر ليكي .
٨- حاولي دايماً أن قطعة اللبس ألي فوق سواء شيميز بلوزة تي شيرت أو كده تكون أكتر من لون يعني متكونة من لونين علي الأقل .
٩-وطبعاً نقعد عن الهيليز لأنه مبيبقاش لطيف المنظر المبالغ فطوله ولو عندها مناسبة ومضطرين ميزدش عن ٣ سم .
ليست هناك تعليقات:
إرسال تعليق