الشيخ العتريس:
ذات صباح قررنا أنا وبعض الزملاء نصلي الجمعة بمسجد السيدة زينب، وذهبنا قبل الصلاة بساعتين، وعندما وصلنا رأينا ناحية باب المسجد المطل على شارع بورسعيد وأمام الباب مباشرة حضرة نسائية أعمارهن متفاوتة، معظمهن بالتقريب أقل من الأربعين، ويظهر على البعض منهن علامات الثراء والتعلم، وأنهن ذوات شهادات عليا.
قال لي زميلي مستنكرًا:
- إيه دا؟
قلت له:
- معرفش دا إيه، بس باين عليها حضرة بس للستات بس.
فضحك أحدنا وقال:
- مينفعش راجل يخش بينهم ويقول حي يا سيدي العتريس؟
فضحكنا وقلنا:
- ينفع روح يلا وأدخل بينهم في الحضرة وقول يا سيدي العتريس ابعت لي عريس عشان عينك ما تشوف إلا النور، تلاقي الشباشب نزلت عليك ويمسكوك ويقولوا صعيدي عايز عريس.
ضحكنا وتعجبنا لفعل واعتقاد هؤلاء النسوة والعوانس من الفتيات؛ لأننا عرفنا أن الشيخ العتريس له سر باتع في تزويج العوانس.
ليست هناك تعليقات:
إرسال تعليق