الفراخ الكنتاكي مع الشيف فاطمه 👩‍🍳

  المقادير
 فرخه مقطعه 8 قطع وميزدش وزنها عن كيلو
وربع دقيق /  3 بيضات  /  ربع كوب لبن
 ربع كيلو كرسبي كنتاكي من العطار او بديله كورن فليكس

 كيس فيجيتار حار التوابل فلفل اسمر وملح وشطه او بابريكا
 والسبع بهارات وبهارات فراخ وجنزبيل وزعتر وروز ماري وتوم وبصل
بودر وكيس مرقه فوريه ونص معلقه سكر

طريقه التحضير :-
 هنغسل الفرخه كويس جدا بخل وليمون وملح ودقيق وننقعها نص ساعه هنغلي مياه لسلق الفرخه او ماتغلي نضيف الفرخه الي المياه ونقطع بصله وطماطميه اربع تربع ونضيف عليها من كل التوابل اللي كتبنها في المقادير حسب المذاق اللي بتحبيه سواء كان عالي في التوابل او قليل وخير الامور الوسط هنضيف نص معلقه صغيره مش مليانه من كل نوع وكيس مرقه فوريه ونص معلقه صغيره سكر نسلق الفرخه تلت تربع سواه ونصفيها وبعد كده نجهز الكفر الكفر اولا نضع الفرخه في دقيق مبهر بملح وفلفل وشطه وتوم وبصل بودر نعفرها كويس في الدقيق ثم ثانيا نضعها في البيض واللبن مخفوقين كويس ومضاف اليهم ملح وفلفل وشطه وتوم وبصل بودر ثم ثالثا نضع قطع الفراخ في كرسبي الكنتاكي او الكورن فليكس المطحون ثم نضع قطع الفراخ في صنيه بجانب بعض وليس فوق بعض حتي لاتتماسك القطع مع بعضها ونفرغ علي الفراغات اللي في قطع الفراخ ومش متغطيه كويس بالكرسبي او الكورن فليكس كيس الفيجيتار ثم توضع في الفريزر لمده نص ساعه قبل القلي ونضع طاسه غويطه فيها زيت غزير وساخن جدا وبعد وضع قطع الفراخ نهدي النار حتي يكتمل نضجها من الداخل قبل الخارج ويمكن تفريز قطع الفراخ بهذا الشكل ولكن نضعها في الفريزر مده اطول تقريبا من 3 الي 4 ساعات علي حسب تبريد الفريزر وبعد كده نضع القطع في كيس وتبقي جاهزه معاكي علي القلي مباشره مثل اكياس الدجاج الجاهزه ملحوظه لو فرزتيها تطلعيها علي التحمير علي طوي دون ان تترك وتذوب من الثلج وتوضع في زيت ساخن ثم نهدي النار والف هنا وشفا للي يجربها 👩‍🍳😋👌👍