الجزء الاول
1لو جربتى حاجة وطلعت ناجحة معاكى ياريت تشاركى غيرك بيها هتزيد فرحتك بيها
2حاولتى تصالحى حد زعلانة منه ورفض يبقي عملتى اللى عليكى كفاية أن ضميرك مرتاح
3غلطى نفسك قبل ما تغلطى الاخرين والتمسي الأعذار وتخيلى نفسك فى مكانهم هيفرق فى علاقتك معاهم
4الاصرار على النجاح ممتاز جدا بس المرونة اهم عشان تمنعى عنك الإحباط والتفاؤل المزيف
5جواكى طاقة انوثة وطاقة ذكورة خدى من الانوثة الحنان العطف الرقة والطيبة وخدى من الذكورة الشهامة والاقدام والشجاعة والإصرار بقوة
6 اتعلمى من تجارب الناجحين ولكن كونى بصمة مختلفة متقلديش حد تقليد اعمى
7 آن الاوان تتحركى وتتغيري ارتاحي من الراحة وانطلقي بعيد عن الكسل احلامك قدامك اصحى عشان تحققيها
8 ورا سور الخوف عالمك الخاص الجميل وكل ما تتمنى ياريت تتخلصي من القلق والتوتر والتشاؤم قبل ماتندمى
9 كل لحظة بتعدى عليكي هتبقي ماضي وكل بكرة هو المستقبل ارسمى خططتك بكل تفاؤل أن اللى جاى احلى
10 الاب هو أول رجل فى حياتك تتعلمى وافهمى منه عالم الرجل وطباعه عشان هتفيدك فى التعامل مع زوجك
11 الام أول مدربة انوثة فى حياتك خليها تعلمك واتعلمى منها واعذريها لو مامتها قصرت معاها وكونى انتى مامتها الصغيرة
12صلحى علاقتك مع ربنا عز وجل هتتصلح علاقاتك مع كل الناس واولهم مع نفسك
13 التاجيل والتسويف أعداء تطوير ذاتك وشعورك بالانجاز يالا اتشجعى ونفذي خططتك
14واجهى نفسك بالحقيقة كونى صريحة وواضحة واعذريها واتعلمى من اخطاءك
15علمى ولادك يتعاونو معاكى ويشاركوكى شغل البيت فيقل الحمل عليكى وتكونى أهدى واروق
ليست هناك تعليقات:
إرسال تعليق