فى البداية احب اعرفكم بنفسي الاول انا صفاء علي مصممة كروشيه بدأت من ٥ سنوات كان هوايه ليه فقط بدأتها من بيتي ولاولادي بدأت بصناعة قطع بسيطه بضيف فيها للبس اولادي وكانت اسكارفات وايس
كاب ثم انتقل شغفي لاضافة قطع ديكوريه للبيت من فازات ومفارش وستائر بتضيف لجمال المكان روح وشكل مميز ومن هنا بدأت قطعي اللي بضيف فيها من روحي وعقلي أفكار تناسب مكاني سواء كانت قطع ديكوريه للبيت او كانت ملابس او مكملات لاولادي في لفت نظر كل من حولي بدأت في تقديم موهبتي بشكل جدي والعمل علي تطويعها كعمل خاص بي وتقديم أعمالي من خلال صفحتي والصفحات المهتمه بالكروشيه وبدأت تقديم تصميمات خاصه بي لاقت إعجاب من الناس وأصبح عملي ولذلك هنتابع مع بعض مجموعه من المقالات هنتكلم فيها عن ماهو يخص الكروشيه واستخداماته وعن انواع الغرز والباترونات وازاي تقدري تطوعيها في مكملات لاناقتك تضيف لكي لمسه خاصه وطله مميزه من اكسسوار او ملابس اوشنط او قطع تضاف لملابسك تجعلك مختلفه والي بيتك من ديكورات وإضافات مميزه لبيتك من ستائر وفازات ومفروشات وقطع تضيف لبيتك لمسه مختلفه بالاضافه لمعرفه كامله عن الخيوط واستخداماتها ومميزاتها وعيوبها
كمان هنتكلم عن ازاي تبدأي مشروعك من بيتك والأخطاء اللي ممكن نتفاداها لنجاح مشروعك من بيتك
هنتكلم عن كل ماهو جديد في الكروشيه وهرد علي كل تساؤلاتكم
ليست هناك تعليقات:
إرسال تعليق