الطعام الصحي بقلم شيماءأبوزيد

 كان في مره ولد صغير مش راضي ياكل اي حاجه مفيده خالص دايما بس بيحب الشيبسي والشيكولاته ويشرب بيبسي لغاية يوم خرج يلعب زي كل يوم مع اصحابه لقي نفسه تعباااان خالص وكل جسمه بيوجعه وعينه كمان
واجعاه جدااا راح للدكتور مع مامته تعباااان وحالته صعبه كمان سأله الدكتور فطرت ايه النهارده ؟ رد الولد وقال :زي كل يوم شيبسي كبير وبيبسي كتير كمان استغرب جدا الدكتور وقاله ازاي تعمل كده في نفسك انت ماتعرفش ان الحاجات دي مضره جداا ازاي ولد صغير يعمل كده في نفسه ليه مش بتسمع كلام ماما انت ماتعرفش ان البيبسي ده بيكسر العضم وبيسوس الاسنان وان الشيبسي بيوجع البطن وبيعمل تسمم كمان ازاي مش بتاكل الاكل المفيد رد الولد وقال: مبحبوش طعمه وحش رد الدكتور :طب ايه رأيك نجرب ناكل كل يوم بدل الشيبسي جزره وبدل البيبسي كوباية لبن ؟وبعدها لو مخفتش تبقي ترجع تاني تشرب بيبسي وتاكل شيبسي سكت الولد شويه لكن شكله اقتنع بكلام الدكتور قالله انا هوافق لكن بس اسبوع واحد مش اكتر رد الدكتور موافق طبعااا رجع الولد مع مامته عالبيت وقالتله ها ؟هتنفذ كلام الدكتور رد الولد وهو زعلان وتعبان ومش قادر يقاوم وجع عضمه او تعب عنيه طبعاا ياماما انا وعدت الدكتور ومش ممكن اخلف وعدي معاه عايز اخف انا تعبااااان جداا جرب اول يوم جزره وكوباية لبن وتاني يوم وتالت يوم لقي نفسه بـأه بيخف وان الاكل المفيد كمان طعمه جمييييل جداا وخف خااالص وعينه كمان بأت كويسه جري علي مامته وهو فرحان جدااا وقاللها :يامامااا انا فرحان جدا انا خفيت وبأيت كويس ردت ماما وقالتله الحمد لله انك خفيت قالها اسف ياماما اني مكنتش باسمع كلامك انا خلاص حرمت ومعنتش هاكل اي شئ يضرني وهانصح كل اصحابي الحلوين يشربو لبن كل يوم لانه مفيد هايخلينا نكبر وعندنا عضلات كمان وهاعرفهم كمان ياكلو جزر لانه بيقوي النظر انا بحبك ياماما ومعنتش هازعلك تاني واتصل بالدكتور وقالله شكرا عالنصيحه انا اتعلمت افرق بين الأكل الصحي والأكل المضر انا اسف ومعنتش هاضر نفسي تاني ودي ااااخر مره هاعمل كده وتوته توته خلصت الحدوته حلوه !!!