الإحسان. بقلم.شيماءأبوزيد

 كان ياما كان ياسادة ياكرام ولا يحلي الكلام إلا بذكر النبي عليه الصلاة والسلام كان في زمان ولد اسمه سلمان كان ولد شاطر وجميل جدا وبيسمع الكلام وكل الناس بتحبه جدا من تصرفاته وأخلاقه. سلمان كان في مرة
خارج من المدرسة هو وأصحابه شاف ولد صغير غلبان في الشارع وحالته صعبه جدا الولد الغلبان جعان وهدومه مش نضيفه وكمان كان بردان جدا . سلمان كان معاه مصروفه وكان نفسه اوي يشتري حاجه كان بيحوش ليها من زمان وكان متفق مع صديقه بسام انهم بعد المدرسة هايروحو يشتروا حاجات حلوه بيحبوها. لكن سلمان غير رأيه لما شاف الولد الغلبان ورجع عالبيت بسرعه وقال لمامته على الولد الغلبان. فمامته سألته: وانت عايز تعمل معاه ايه ؟ رد سلمان وقال: عايز اساعده. ردت ماما وقالت : وتساعده ازاي؟! رد سلمان وقال:انا معايا مصروفي وبعد إذن حضرتك ياماما أفتح حصالتي ونروح مع بعض نشتريله أكل ولبس. ماما فرحت أوي بقرار سلمان وشجعته؛ لكن صديقه بسام كان معترض ومستغرب جدا وقال: ياسلمان احنا متفقين أن احنا هنشتري اللي نفسنا فيه النهاردة. رد سلمان وقال : أنا فعلا هاشتري اللي نفسي فيه لكن للولد الغلبان مش ليا. رد بسام باستغراب شديد:ليه؟!! رد بسام وقال:ده إسمه الإحسان يابسام، الإحسان هو أني اعمل الخير بدون مقابل واطلع اكتر حاجه نفسي فيها وبحبها اوي كمان علشان الصدقة دي انا باقدمها لربنا سبحانه وتعالى علشان الاقي خير في حياتي ودراستي ونجاحي. ولأن بردو ربنا سبحانه وتعالى قال : بسم الله الرحمن الرحيم (لن تنالوا البر حتى تنفقوا مما تحبون) صدق الله العظيم رد بسام وقال:لكن انت بتحوش علشان تروح تشتري اللبس والأكل اللي بتحبه هتستفيد ايه لما تعمل كده مع حد انت متعرفهوش؟!!! رد سلمان وقال:بردو لاني بحب كلام ربنا جدااا وربنا سبحانه وتعالى قال: بسم الله الرحمن الرحيم ( وهل جزاء الإحسان إلا الإحسان) صدق الله العظيم مش مهم هحوش تاني واكيد ربنا سبحانه وتعالى هيعمللي اللي انا عايزه علشان فرحت حد محتاج بسام قال: انا فرحان انك صديقي ، انت علمتني النهاردة حاجات حلوة جداً وانا هاعمل زيك بعد كده وهاجي معاك كمان . وراح سلمان وبسام اشتروا اللبس والأكل وراحوا وصلوه للولد المحتاج الولد فرح جدا وشكرهم اوي على مساعدتهم ليه،وسلمان وبسام كانوا حاسين بفرحة كبيرة جدا من اللي عملوه ومامتهم وباباهم فرحوا جداا من تصرفهم....... وتوته توته خلصت الحدوته واستنونا في حدوته جديدة مفيدة