عزيزى القارئ عزيزتى القارئه - بقلم د. سمر البته

 احياءا لتراثنا القديم ورغبه فى البحث عن كل ما هو جديد بس "قديم "، قررت انى اتكلم معاكوا عن موضوع بسيط شكلا ولكن مضمونه كبير. السبب الرئيسى اللى خلانى احن للقديم هو البعد عن بلدى وامى مصر ،
فانا حاليا مقيمه فى مدينه سيدنى فى استراليا. ولما استقريت هنا وشفت بلاد المهجر واختلاف الثقافات والعادات و التقاليد لكل مجموعه من المهاجرين ، اكتشفت عظمه انك تكون منحدر من بلد حضارة بقالها على وجهه الخليقه الاف السنين. وليها من التراث ما يجعلك تفخر بالانتماء ليها. احنا بقى هناخد حته من التراث دة ونحاول نفتكرة ونشوف اصله ايه . هنعيد استخدام الامثله الشعبيه ونعيد فهمها و نشوف مناسبه ظهورها ايه. اول مثل معانا النهاردة هو "هاتى يا مدرة ودى يا سدرة " معناه ايه بقى ؟ معناه ان اللى جاى اد اللى رايح، اظن كلنا حالنا بينطبق عليه المثل دة المثل الثانى اللى معانا النهاردة هو "قليل الاصل لا تعاتبه ولا تلومه دة زى البقعه لا يطلع برابسو ولا باموا" ، ودة مثل حديث نسبيا لان زمان مكنش فيه مساحيق غسيل من اساسه ، ولكنه الحقيقه مثل معبر جدا عن وجوب تجاهل اى شخص لا يتطابق معاك فى التربيه والقيم والعادات ، لان عتابه ما هو الا تضييع وقت ومجهود على الفاضى هو غالبا مش هيفهم اصلا ان العتباب دة من باب الابقاء على العلاقه هو هيعتبرة حق مكتسب وضعف منك ......فالتجاهل هنا افضل شئ. سمر البته