كذب البدايات.بقلم د. وليد اغا

 في ناس كتير فى البداية بتبهرنا بأختلافهم بتمِيزهم ، بأهتمامهُم بكلامهُم ووعدهُم ، صحيح الحاجات دي حلوه مفيش كلام ، لكن بعد كده بنكتشف ان كُل ده كان شئ مؤقت وإن وجدُنا كان مرحلة وقت مٌش اكتر ! إحنا
محتاجين ناس عندها مبدأ ، ناس متعودناش على انهُم حلوين وبيضحكوا ومتفاهمين ، وبعد كده نكتشف اننا بنتعامل مع شخص ملهوش علاقة باللى عرفناه ، وقتها هنتغير ونخاف ! الحقيقة اياً كانت افضل مليون مره من شئ مُزيف وباهت ، طبيعى لو الشخص مُش واثق فـ نفسهُ ومتقبل شخصيتةُ ، ازاى عايز غيرهُ يؤمن بيه ، الثبات اهم 100 مره من البدايات ، وانك تكون مُتقبل نفسك ومتصالح معاها اهم بكتير من الكلام الحلو والشخص الـ بترسمهُ ملهوش علاقة بيك ! فى النهاية هتفشل ، صحيح الطرف التانى هيتعب لانهُ ملهوش ذنب فى كذبك ده ، لكن انت هتفضل تطاردك لعنة عدم الثقة اللى هتفسد عليك اى علاقة بعد كده ، خليك انسان سوى عندك امان داخلى ومتقربش من حد غير وانت بجد على طبيعتك وذاتك ، وقتها هتلاقى نفسك طاير م الفرحة لانهُ تقبلك بكُل ما فيك وشاف عيوبك مُميزات !