( الطفل الاناني ): قبل ما نتكلم عن ازاى اعالج اى مشكله لازم نعرف اية اسباب المشكلة دى، فمن اسباب وجود الانانيه عند الطفل:-
١-الطفل فى السن دا عاوز يُكون شخصيته ويستقل بيها فهنلاقى ان الحاجات الخاصه بيه مش بيوافق يعطيها لاى حد.. اى انها حاجه فطريه وايضا صفه مكتسبه من خلال لو شاف دا فالام او الاب
٢-احيانا من كثرة انشغال الاب والام عن الطفل بيكون فاقد لأهم عنصر وهو (الحب والاهتمام والامان) اللى لو فقدهم فى العمر دا بيتكون عنده مشاكل نفسية كتيرة جدا ومن ضمن المشاكل دى (الانانيه) لان ببساطه الطفل وقتها مش هيعرف يعنى اى حب ويعنى اى اهتمام ويعنى اى انى اخاف على شخص فهيبدأ انه يهتم بنفسه فقط.
٣-الثقه بالنفس ولو الطفل مش واثق بنفسه بسبب اى اهمال بسبب عدم تقبل الوالدان له ...وقتها هيلجأ انه يتقوقع حول نفسه ويبدأ يعمل اى حاجه علشان يشبع الجانب الناقص اللى عنده
٤- الشئ الزائد عن الحد بيتقلب للضد بمعنى ان الاهتمام الزائد والدلع الزائد والحماية الزائدة او الخوف عليه بشكل مفرط او اى اهمال او قسوة زيادة بيكونوا سبب ان الطفل مش بيشوف الا نفسه وان اى حاجه هتتعمله هو حق اللى حواليه أنهم يلبوا مطالبه اى انه (حق مكتسب) بمعنى:انتم عودتوه على كدا فبدأ يتكون عنده ان مطالبه حق على اى حد ولو ملبتوهاش هيبدأ يعيط ويصرخ ويغضب ويكسر ويرفض انه ياكل .....الخ ٥-مشاكل الزوجين والتفكك الاسري برضو من ضمن اسباب الانانيه لان ممكن ان احد الابوين يتبع اسلوب التدليل الزائد وان كل شئ مستجاب للطفل علشان بس الطفل يكون عايش مع طرف وميطلبش يعيش مع الطرف الاخر
٦-الطفل بيتعلم بالتقليد والابوين هم مصدر كل حاجه للطفل فبيقلدهم فى كل شئ هو لسه ميعرفش الصح من الخطأ
٧-عدم خروج الطفل للنوادى او انه يشارك اقاربه او اخواته فى اللعب
٨-لازم ضرورى تصحيح خطأ الطفل واعرفه وافهمه ليه خطأ وليه صح علشان السلوك ميتكررش وعلشان مكونش طفل عنيد
ليست هناك تعليقات:
إرسال تعليق