دمعى إنهار علي القلب اللي إحتار ولا علي القلب إللي إختار مابين الحالتين خيط رفيع مابين الاختيار والاجبار القلب بيختار ناس مش أخيار وكمان بيحتار علي عدم حسن الاختيار وقتها بيقوم صراع مابين القلب
والعقل القلب حابب ومسَلم لكن العقل رافض وبيتألم معركه داخليه وياتري مين الكسبان العقل ولا القلب العقل يقول ابعدي وامشي بالمشوار والقلب يقول قربي ماتبعدي أطاوع مين وأسمع مين ماهو القلب قلبي والعقل
عقلي قلبي يا ترى هتودينا علي فين وعقلي رافض يقول إنه يكون معقول رايح فين بينا ياقلب واخد في وشك وناسي اننا عايشين مش طايرين في الهوا انت ياقلب مالنا حكم عليك انت مسيطر ومهيمن ومالينا سلطان علي القلوب ال ألفها الحب وجابت المحبوب وخلت الروح تايهه هيمانه وعاشقه ونسيت إن في ضرورة لحكم العقل إللي بيرفض مجايب القلب القلب طاير والعقل حاير واحنا مابين الاتنين عايشين ومسَلمين وسايبين الحرب شغاله بحكم الاستحاله أن فيهم حد يتنازل ويسلم ولازم حد يسلم عشان المعركه تنتهي وغالبا الاقوي بينتصر سلطان القلب بيغلب وسواس العقل شوف حتي الكلام القلب سلطان والعقل وسواس زي بالظبط ملاك وشيطان اه ياقلبى إحترت معاك وتعبت أنا وياك من كتر حبك في ناس مش ناس لكن في عيونا وقلبنا هما اغلي الناس بحبك ياقلب لأنك حامل بين ضلوعك اغلي واعز الناس متسبوش نفسكم لوسواس العقل سيبوا قلوبكم زي ماهي صافيه قلوب بتحب ماتعرف كرهه قلوب عاشقه وماليها الحب والله وكسبت ياقلب ماانت أصلك سلطان
ليست هناك تعليقات:
إرسال تعليق