جريدة الأسرة العربية _ الحلقة الثالثة من دكتور عيالي النفساني _ بقلم د / علي الرشيدي

                  الحلقة الثالثة من دكتور عيالي النفساني

*الو ....مساء الخير يا دكتور

نكمل بقي، حضرتك المرة اللي فاتت قولت حاجة غريبة إن في لاعب بقي اخطر واحد ولازم ينزل وياخد فرصته وحضرتك

شايفه هو محور الارتكاز، اللاعب ده هو رقم(3×1)،فهمني بقي يعني ايه

**مساء الخير والسعادة بصي بقي انا بتكلم عن اللاعب رقم(3×1) ده بقي بيقوم ب3 مهام الأولي ناخد وقت لنفسنا بعيد عن الولاد والاسرة

*يااااااااااااه نفسي والله يا خويا اقسم بالله تعبت وزهقت من الدينا كلها

**اقسم بالله انا اللي زهقت منك خليني اكمل كلمتين علي بعض

*كمل يا حليم زمانك

**حليم.... ماشي

المهمة التانية اللي هيقوم بيها اللاعب بتاعنا إن إحنا ناخد وقت نقضيه مع شريك حياتنا بعيد عن الولاد

*ههههههههههههههه عيب بقي يا دكترة بتكسف والله

**اقسم بالله ما اللي في دماغك، اقصد وقت نقضيه بمعني نخرج نتغدي او نروح كافيه نتكلم في كل حاجة ماعدا الاولاد والتربية والحياة والعيشة واللي عيشنها، عرفتي بقي اقصد حاجة غير اللي في دماغك

*يوه....حكم

**المهمة الأخيرة للاعب بتاعنا ندور علي مساعدة اجتماعية من خلال حد قريب منننا في الاسرة أو الجيران يقدر يفيدنا

كدة عملنا التغييرات بتاعتنا الحمد لله واللاعيبه جاهزة للعب ونتفرج علي أحلي مباراة

*علي وبشير علي والجون علي وبشير علي والجون اووووووووووه جون

**مدام معنتيشش تتصلي بيا هتعملي فيها مدحت شلبي

*والله عندي مواهب بس عاوز اللي يكتشفني يا دكتره

**يلا سلام

*سلام يا دكترة

#د_علي_الرشدي_اخصائي_نفسي_وتنمية_ابداع

#دكتور_عيالي_النفساني

#تعديل_السلوك_فن_مش_عن_عن