أم الشهيد .
ولدي برصاص الغدر طعنوك ....
ومن غباؤهم فاكرين بكده اذوك ....
لا والله ده انت في أعلى منزله ....
يا شهيد ....
قلبي عليك يا كبدي مكوي كي ....
حبست دمعتي في عينيا لتأذيك ....
والأه ف قلبي كتمتها لأرضيك ....
ولدي ....
إزاي يقولوا من ذنوبه ....
وأنا شايفه نعشك بيجري جرى ....
يا ضنايا ....
كان أملي أشوفك ببدله زفافك ...
واديني شوفتك بعلم مصر اتلفحت ...
اتمنى إيه وكل أمانيا اتحققت ....
أشوفك شهيد ....
إزاي يشمتوا وانت اللي ....
عمرك ف مصيبه إلا واتوجعت ...
ولدي ضنايا ....
إزاي يقولوا دهري اتكسر ...
وأنا اللي رجعت صبيه ....
رافعه بإسمك راسي للسما ....
وبضمتك يوم وداعك اتقويت أنا ...
ولدي شهيد ....
صدقوني لانا مكلومه ولا حزينه ....
ده أنا من فرحتي بشهادته زغردت ...
وبأعلي صوتي لمصر قولتها ...
أنا أم الشهيد ....
أنا بس كان نفسي اقولوا وحشتني ...
ليست هناك تعليقات:
إرسال تعليق