٥ فاشون 👗
أنهاردة هكلمكوا عن شكل الوش وطريقة لف الطرحة المناسبة ليه
*لفات الطرح للوجه المدور
بيتميز بوجنتين ممتلئتين ويتساوى طوله مع عرضه لما تيجي تلفي الطرحة يفضل متلبسيش الباندانات اللي بتغطي جزء من
الجبهة، لأنها تكون ضيقة بطبيعتها فهتزود من الشكل الدائري للوشك، كما بلاش تضيقي الطرحة حولين وشك بشكل مشدود بالطريقة اللي بتبرز الخدود بدرجة أكبر
حاولي تلفي الطرحة بداية من خط نمو الشعر بحيث تبقي بحانب الخدين بطريقة مرتخية ده هيدي شكلا بيضاوي للوجه شوية .
*لفات الطرح للوجه المربع
بيتميز الوجه المربع بالجبين العريض، والفك البارز لو أنتي من أصحاب الوجه ده فبلاش تحطي الطرحة تحت الدقن وأسحبها لورا بالدرجة التي تبرز حدة عظام الفكين كمان بلاش لفات الطرحة الي بالستايل التركيعشان مع وشك هتحوله لشكل مثلث حاد هيبقي الشكل مش لطيف و هيديه غلظة اكتفي بلف الطرحة بطريقة ناعمة حولين الوش مع أنك تغطي جوانب الفك الحادة عشان تدي وشك مظهر دائري شوية ممكن تلبسي باندانا صغيرة تحت الطرحة هتدي الجبهة قليل من التدوير لكن تراعي أنها تنتهي عند خط نمو الشعر متداريش بيها جزء كبير من جبهتك.
*لفات الطرح للوجه المستطيل
كل الي عليكي تعمليه مع الوجه المستطيل هو محاولة التقليل من مظهره الطويل وده عن طريق ارتداء باندانا تحت الطرحة مع سحبها للأمام شوية عشان تداري جزء من الجبهة راعي برضه أنك تبرزي خدود الوش وتعملي تنيات متعددة على جانبي الوجه عشان تخلقي عرض وأتساع شوية للوجه تجنبي نهائيا تكتري طبقات اللطرحة عند الجبهة أو الرقبة عشان ميتسببش أنك تدي منظر طول أكتر للوش.
*لفات الطرح للوجه القلب ( المثلث المقلوب)
ده بيتميز بجبهة عريضة ودقن رفيع ومدبب وهنا هيبقي حلو أنك تخلي الطرحة عند الجبهة بشكل مثلثي زي لفات الطرح التركية عشان يبقي في توازن في شكل الوجه وتبرزي تقسيماته بشكل أفضل.
*لفات الطرح للوجه البيضاوي
وده بقي أكتر شكل وجه مثالي للفات الطرح وأغلبنا ده شكل وشه تقدري تجربي وتلعبي فلفات الطرحة زي ما أنتي عايزة لحد متلاقي الشكل الحلو الي يريحك ويناسبك .
ليست هناك تعليقات:
إرسال تعليق