أنتى يالى الحمل ذاد فوق كتافك
شفتى ياما كتير اوى وماحد شافك
ياما إديتى ماعرفتى تاخدى غير عذابك
فين صحابك فين حبايبك الكل سابك
عشمانه لسه فى أرض بور !
تجني هنا تطرح زهور
دا حتى معروف في العصور
إن الفئران وقت الخطر
تدخل جحور
ياما اتناذلتى كتير زمان
يمكن فى بكرة تلاقى أمان
وإدين تطبطب تدى حنان
مالاقيتى وسط كل البشر
غير كل معنى للحرمان
طب ليه بقي دموع عنيكي
ماتوجعيش قلبي عليكي
العمر لسه بيزهر بين ايديكي
بلاش تغيبي فى دنيا
ماتحلاش الا بيكي
الحمل ذاد ! رب العباد قادر يشيل
كل جراح هموم عذاب اواى ويل
يدوب هتدعي من قلب جميل
الكون يتبدل يدوب بس سواد الليل
دوام الحال من المحال
زمن دوار وكل ساعه بحال
وبكرة تتبدل الأحوال
وتلاقي فرحه مرسومالك
ذي الكتاب مقال .
ليست هناك تعليقات:
إرسال تعليق