جريدة الأسرة العربية _ حزين من طبع البشر _ بقلم الكاتب/ فهيم سيداروس

                             

حزين من طبع البشر

بقد قرأت عن ‏تمثال وضع في ساحة عامة في جورجيا .

‏يأتي المتصدق ليضع النقود ثم يأتي الفقير

‏ليأخذها حتى لا يشعر بالأهانة أمام الغني

ف‏للإنسانية معنى كبير .

ليه الغدر ، والخيانة طبع فى كل البشر ، والحب ما له مكانه إلا فى قلب أتكسر  .. ليه أقرب ناس لينا هما  بيجرحو ، وفى عز الحزن فينا قلوبهم يفرحو ا .

ليه لما الفرحة تأتي بتأتي مدمعة .. والأه جوانا تصرخ فى القلب مسمعة

حبينا وإتجرحنا ، ورضينا  بجرحنا .. وسامحنا من جرحنا فداس على جرحنا .. وصرخنا وقلنا أه ولا حد سمعلنا .

وعد ومكتوب علينا نعيش مع  حزننا ، ليه الغدر والخيانة دائما من القريب .. والصدق ، والأمانة دايما مالهم نصيب .

أقرب ما ليك يخون ، والعشرة عليه تهون مهما هتعمل يخون ، وعامل قال ليك حبيب

ليه لما نعطي وردة بنجد فى إيدنا نار ، واللى شربوا عسلنا سقونا فى المرار ، يا خسارة السنين ، والشوق ، ويا الحنين ، وقلب عاش حزين فى الليل ، ويا النهار

ليه الدنيا ليه خلاص خلصت من الصحاب

واللي فضلين ، يا دووب ما ينفعوش صحاب

لت يوجد سوي الغدا رين ، راحوا الطيبين

والباقين خلاص بايعين مالهم صحاب ، ليه الغدر والخيانة طبع فى كل البشر ، والحب مالوش مكانة إلا فى قلب اتكسر .

غريب طبع اإنسان .. لما يكون فرحان يحب يقعد مع نفسه ، ويصمت ورافض الكلام مع أي إنسان حني لا تضيع فرحته .. ولما يكون حزين كذلك يجلس مع نفسه ورافض الكلام ..

احكي لي يابحر انا حزين من طبع البشر وانت كمان ليه حزين ؟

يا بحر مالك حزين ، يا شط مالك جريح بتبكى علي المظلومين ، ولا على المجاريح ، ولا بتبكى على قلوب مش عارفة إيه مكتوب بين الفراق ، واللقا تايهين في مهب الريح .

يا بحر ده حال البشر ، يا بحر ده طبع الزمن ناس تسرق الأحلام ، وناس هى اللى تدفع التمن

ماهو طول مافي إنسان بيكره ضحكة إنسان

الحب لازم يتوه في الأسم ، والعنوان .

وأزاى نفكر في بكره وإحنا مش قادرين نهرب من الماضى ، ولا نفارق الأحزان مشوار عجيب من أوله مكتوب علينا نكمله ، وعشان يعيش الورد لازم أى شوك نتحمله .