جواز الصالونات
كتير مننا عنده الفكره والاعتقاد ان جواز الصالونات ده
ظلم للبنت وكمان ظلم للشاب ؟
مجتمع اصبح بيردد الكلام زى البغبغان مش اكتر
بل وأصبح كمان لو سألوا الزوجه انتى متجوزه عن حب ولا صالونات ؟
ترد بسخريه وكأنه عيب ...(صالونات )
الصالونات ده يعنى :
واحد لف ودار وعرف بنات كتير قبلك مش هينكر ..
بس عاوز يبدأ معاكى انتى بشكل كويس ونسي كل اللى كان قبلك
واحد متغرب من زمن وشقيان ليل نهار لأجل ما يعمل لنفسه حاجه يتسند بيها علي الزمن
وماعندوش وقت لا لحب ولا لكلام ف تليفونات لوش الصبح
واحده قافله الباب على قلبها من اى حد يقرب ومش عاوزه غير الشخص اللى هييجى يفتحه بمفتاح اسمه قرايه فاتحه مش سهوكه وحب وكلام فارغ ...
واحده بتسمع حكايات وروايات من صحباتها . دى بيحبها الواد مودى ,, ودى معجب بيها الواد حموكشه .. ودى هيتجنن عليها الواد توتو ,,, ومع ذلك ولا بيفرق معاها , لانها عارفه انها لشخص واحد لسا ماجاش بس مسيره هيظهر .
وعلى طول بوستاتها رساله الى زوجى المستقبلى ...
_واحد أيقن وتيقن وتأكد ان البنات كلها واحد ,,
عشان كده مش بيجادل ف اى واحده تشوفهاله الست الوالده
لانه عارف انها هتختار اللى تشيله وتشيل اسمه ...
_واحده حبت وحبت بجنون ولما عرفت ان الحب ده قهره قلب ودموع ليل نهار
اتأكدت ان الصالونات هى اللى هتنفعها
لان الشخص هيبقى داخل شارى
ومع اول شخص بيتقدم ... بتوافق على طول
الخلاصه :
الجواز عن حب شئ جميل .. بس بردو جواز الصالونات مش وحش
احنا أصبحنا مجتمع معقد نفسيا
محتاجين كلنا نروح نتعالج عشان نبص على حياتنا من منظور تانى
حبوا حياتكوا زى ماهى كده ..
وبلاش تشتكوا كتير من عيشتكوا ومن حياتكوا ☝️
خلاص اللى حصل حصل ... نبص بقا ونعرف ازاى نسعد بعض .
ليست هناك تعليقات:
إرسال تعليق