انا روحيه سيد ٣٤ سنة خريجة كلية التجارة قسم ادارة اعمال
وام لولدين وبنت هما كل حياتي ❤
اشتغلت ف مجالات كتير جدا واكتسبت من كل
مجال خبرة مختلفة في الحسابات والتسويق والدعاية والاعلان وتنظيم الايفنتات والرسم الهندسي والفوتوشوب وتصميم برامج حتي الطب والصيدلة 🤣 ومن سنتين زهقت و قررت اتفرغ لبيتي وولادي واقعد ف البيت
قصتي مع الهاند ميد بدات من وانا ف ابتدائي من حصص الاقتصاد المنزلي والمجالات والانشطة كنت بحبهم جدا وشاطرة فيهم واجي اجرب اللي اتعلمته ف البيت واتسحل مع النشاط الجديد شوية لحد ما الاقي نشاط تاني يشدني وطبعا سيبت كل ده واتسحلت بالدراسة والشغل والجواز وكنت بحب الكروشيه اكتر حاجة وبشتغل حاجات بسيطة من وقت للتاني ومن حوالي سنة قررت بقا ادوس ف الاميجرومي وقد كان دخلت كورسات وطورت مستوايا بس الاميجرومي بقا وحش وطماع بيحتاج تفاصيل والتفاصيل خلتني اتعلم حاجات كتير تساعدني وتديني النتيجة اللي ف بالي دخلت ف الصلصال الحراري وعجينة السيراميك والريزن بس دول بالنسبالي مش اساس اوي لانهم محتاجين لوحدهم قدرة ووقت لتطوير المستوي فيهم ومحستش اني هغوص فيهم اوي ع الاقل دلوقت وف يوم قررت
ارجع تاني واشتغل تريكو اللي محبتوش عمري وكنت يادوب اخلص التطبيق بتاعه عشان انجح 🤣🤣 حبيته بقا وماقلكوش سحلني وخطفني 😍 والله اعلم ايه تاني ممكن يخطفني واغوص فيه عايزة اقول الحمد لله ع نعم ربنا لينا وفضله علينا بسبب هواية بسيطة اتعلمت وقابلت ناس كتير واكتسبت تجارب انسانية كتير اثرت فيا وعلمتني طولت عليكم دي صور من اقرب الشغل لقلبي 😍❤ دمتم مبدعين بقلم نهال نور الدين
ليست هناك تعليقات:
إرسال تعليق