يا حظ ليه
مديني ضهرك
هو أنا قتلت أمك
وللا طلقت
أختك
وللا هو أنت
لناس والناس
التانيه تروح ليهم
بمزاجك
وللا هي فتونه
على الغلابه
وواخد في وشك
ولا همك
خلى عندك دم
وكفايه بقى
شبعنا من رخمتك
هنلاقيها من الحلال
وللا منك
سبحان الله
الحرام واخده
تحت باطك
والحلال مش
على معدتك
واحنا والعدم سواء
كأننا مش على
سكتك
هو فيه إيه...
خلى عندك زوق
وخلينا على بالك
كل ما اشوف يتيم
أتحسر واقول منك لله
يا حظ أنت ومعرفتك
والأرامل من بختهم
شاطب أساميهم من
دفترك
والفقير قرفان منه
كأنه أخد من السعادة
نصيبك
والمسكين اشتكى
من كتر ما انتظر
تهل عليه سيادتك
صدق بالله
أنت لو راجل
كنت فرمت
سحنتك
وتحت قضيب
القطرحطيتك
ليست هناك تعليقات:
إرسال تعليق