ومين يسمع أو يحس أو يفهم
- ننتظر قرارات خاصه ؛بشأن :-
مترو الأنفاق .
و الشهر العقاري .
ومكاتب البريد .
والمخابز المتزاحمه ، لان الافران بتغلق الساعة ١٢ظهرا .
الميكروباسات مزدحمة عن آخرها .
الأولاد بتلعب علي ترابيزات البلياردو في الشوارع بنفس العصاية بيبدلوها مع بعض و الكل محني و الوجوه و الأنفاس في وجه بعض ..
طوابير علي اكشاك اللحوم المدعمة .
أسواق الخضار زحمة كأي يوم عادي .
ماكينات ATM طوابير ، و مفاتيح الماكينة عدوي لكل الايدي .
الناس علي القهاوي في تجمعات بيلعبوا دومينو و طاولة .
المدرسين عند ذهابهم لمدارسهم فى مواصلات ، وفي الصعيد بالذات ، والمدرسة تبعد اكثر من 15 كيلو .
للحفاظ علي المواطنين
نتمني حظر تجوال
البشر فعلا غير مقدرين الموقف والكارثه وتصرفاتهم عادى وبتلقائيه وعفويه .
بجد الناس عجيبه بيخبوا الشيش ، والناس بتدخل من داخل القهاوي ، وتستخبي ، وتشرب وبالإضافه زحمه جدا في المحلات .
لازالت أري إستهتار الناس
لماذا لا تعمل الحكومة أجازة ، وتفرض حظر التجوال مثل الدول التي تقدرة خطورة الموقف ؟ .
لابد من فرض حظر تجول للناس ، والقطاع الخاص، لابد يأخذ قرارات مهمه معه ، أسف جدا متشائم للغاية .
نحن نسير علي خطا إيطاليا ، و المقدمات بتأكد أن هيكون عندنا كارثة أكبر بكتير .
إيطاليا من ثلاث أسابيع كان عدد المصابين بكورونا فيها ١٧٠ حالة ، اليوم وصل عدد الإصابات إلي ٢٥ الف حالة و أكثر من ١٨٠٠ حالة وفاة .
إيطاليا اللي بيعيش ٦٠ مليون من سكانها علي مساحة ٣٠٠ الف كيلو اللي هي كامل مساحتها لان معندهاش صحاري .. إنتشر المرض بالأساس .
بسبب السلوك المستهتر من شعبها الأقرب لسلوك المصريين و تأخر الحكومة .
أما مصر بيعيش ١٠٠ مليون مصري ، و ملايين من جنسيات أخري علي أقل من عشر مساحتها أي علي أقل من ١٠٠ ألف كيلومتر لأن ٩٠% من مساحة مصر صحاري .
فسلوك الشعب المصري بل ، و قطاعات كبيرة من الدولة في منتهي الإستهتار .
تم إعطاء أجازة أسبوعين للمحاكم ، و النيابات ما عدا الشغل الإداري أسوة بأجازة المدارس و الجامعات
لو ظل سلوك الشعب و بعض قطاعات ، الدولة بنفس هذه الشاكله ستكون الكارثة عندنا اسوأ من إيطاليا .
الحل بسيط و غير مكلف إننا نلزم بيوتنا ، و لم ننزل الشارع غير لحاجة مهمة .. الحكومة أعطت أجازات للبقاء في المنازل مش للقهاوي و الزيارات المنزلية ، و الخروج ، و الفسح .. اإستهتاركم هيضيع إقرب ما ليكم
ليست هناك تعليقات:
إرسال تعليق