المطريه وعين شمس وصلنا برحلتنا لمنطقة المطرية وعين شمس : وصلت العائلة المقدسة للمطرية بالقرب من عين شمس وسابوا لنا بركة جميله جدا عايشة ليومنا وهى :
شجرة مريم ونبع الماية فى المطرية الطفل يسوع انبع عين ماية شرب منها هو وافراد رحلة العائلة المقدسة .
وكمان العذراء مريم غسلت هدوم ابنها الطفل يسوع وصبت الماية على الارض فنبت فى الارض نبات عطرى له ريحه جميلة جدا المعروف باسم (نبات البلسم) او (نبات البلسان) والاجمل انه مش موجود فى مكان تانى على الارض الا بالمطرية بس. وكان بيستخرج منه عطر البلسم اللى بيعتبر من اثمن الهدايا للملوك .
وكمان كنيستنا القبطيه بتستخدمه فى العطور والاطياب اللى بتدخل فى صناعة زيت الميرون حسب طقس الكنيسة . واتدشن فى المطرية كنيسة اثرية عظيمه باسم السيدة العذراء اثرية واتجددت اكتر من مرة وبقت من اشهر المعالم القبطية فى مصر.
شجرة مريم والنبع المقدس ليهم معجزات جميله واشهرها مع جنود الجيش الفرنسى بعد ماانتصر على الجيش التركى فى عين شمس وهم فى طريقهم قابلوا شجرة مريم ونبع الماية وباسلحتهم كتبوا اسماءهم على فروع الشجرة وكمان اغتسلوا من ماية البير وكانت المفاجاءة كل اللى كان عنده مرض شفى وكتبوا على الشجرة .
الشجرة القديمة موجودة جنب كنيسة السيدة العذراء بالمطرية وهناك كمان فى دير الراهبات الكاثوليك وخوفا على الكنز الجميل ده سنه ١٦٥٦م بعض الكهنه قطعوا فرع وزرعوه جنب الشجرة الام . وبقى فى المطرية شارعين يفكرونا برحلة العائلة المقدسة فى مصر شارع البلسم وشارع بئر مريم . استنونى المرة نكمل رحلتنا ورحلة العائلة المقدسة فى مصرنا المحروسة
نتمني جزء تاني
ردحذفالله ينور
ردحذفمن نجاح لنجاح دايما يا رب
ردحذفشكرااااا
حذفشكرااااا
حذفخلال ايام هينزل الجزء الرابع
ردحذف