يابا العمده ...بقلم الكاتب زين ممدوح

يابا العمده مرزوق فى اليابان _
حمد الله على السلامة يا مرزوق _
الله يسلمك يا جملات حلوة قوى اليابان يا بت تصورى يا جملات وانا
ماشى فى الشارع ،تقابلنى لجنه ووقفونى بطريقة شيك _
فى اليابان _اه وسألونى على الباسبور واسمك إيه،
قلت لهم ما هو مكتوب قدامكم فى الباسبور هبقى حجزونى فى الحجز ٢٤ ساعه لتشابه الأسماء _
فى اليابان _اه فى اليابان وحياتك واحد يبانى منه لله اسمه مرزوقو سوزوكو عليه قضية تبديد _
فى اليابان _اه أمال إيه _تلاقيك اتبهدلت يا قلب جمولتك ! _
بأمانه لا يا جملات ركبونى العربية فى الكرسى الخلفى ،وإستأذنونى فى ربط الحزام،وكان القسم بعيد فى آخر شارع طوكيو جنب فكهانى الساموراي وأنا فى العربية بقى ،
فتحوا لى الواى فاى وقدموا لى شيكولاته _
فى اليابان _طبعا يا بت ، ومش كده وبس،واحنا فى الطريق نزلنا رست _طلبوا لى ٢جبنه رومى ،وبسطرمه بالبيض وبعد ما كلت قعدنا على كافيه وشربت حجر معسل سلوم حكاية عدل دماغى ووصلنا القسم دخلونى مكتب ،مكتوب عليه مكتب خدمة السادة أصحاب السعادة المواطنين _
فى اليابان _احترام مفيش كلام _احترموك كويس أكيد _بلاش يا جملات دماغك تروح لبعيد والحمد لله هو طلع اسمه مرزوقو سوزوكو فوق وأنا مرزوقو سوزوكو منين !
واعتذروا لى على اضاعة وقتى الثمين ومعاهم ٥٠٠ ين عربون محبة