أنا ليه مطمنه له
انا ليه قلبي ساكت
يمكن اكون مرتحاله
ولا بفتكر الحبايب
قلبي ف هواه دايب
بعيد عن عيني غايب
مشتاقه كلمه منه
من يوم غيابه عني
غابت روحي مني
لكني غصب عني
اروح اسأل عليه
حد يكون منه قريب
يطمني على الحبيب
ليا عنده عتاب
ليه عن قلبي غاب
كنا أعز احباب
ليه فرقتنا الليالي
وبقينا عن بعضنا اغراب
بشوف طيفك معايا
ملازمني زي ضلي
في كل حد اشوفه
أصحاب أو حتى قرايب
حساك بتكلمني
وقلبي بيطمني
ويقول هو حبيبك نفسه
مش حد تاني
غيره
كلمة بحبك منه
بتاخدني في دنيا تانيه
خايفه يكون سراب
كلمة تتعب الاعصاب
بتاخدني
وتوديني
خايفه يكون كداب
وألقى نفسي
عايشه في وهم الحكايه
حدوته ملتوته م البدايه
وهو شايفني بعنيه
بغرق وكمان بايديه
بيضحك
وبعلو صوته
او يمكن ظالمني
سكاته
وشايفني مش وافيه له
لكن لو حاسس بيا
وانك ديما
في قلبي
قاعد ومربع فيه
وبشوف الدنيا بعنيك
وانا عاشقه
ياناس عنيه
وخايفه من سكاته
وانا احب غيره ليه
وانا حلفاني
ب حياته
وان كنت ف يوم لوحدي
منا واخده صوره عندي
ناخد مع بعض وندي
للصبح
آنا وقلبي نحكي
من نارالشوق
والعذاب
يمكن اصعب عليه
ألقى ايدك تلمسني
وكلامك بيونسني
يدفيني ويطمني
ويقولي انتِ حبيبتي
ولا كنت عنك غايب
انا اللي بصبح وامسي
واحساسك كان في محله
عمره ما ف مره خاب
سمعت بس صوته
جريت وفتحت الباب
قاللي يا عشق قلبي
وحبي من غير عتاب
اليوم تكمل فرحتنا
وشهودي سهر الليالي
ده مافيش غيرك ياغالي
واحلف بنور عنيه
ماليش ف الدنيا ديه
وغيرك .
.ماليش ٱحباب
واتجمعوا الحبايب
وخلاص
دقوا المزاهر
وكمان كتبوا الكتاب
ليست هناك تعليقات:
إرسال تعليق