يابا العمده ..بقلم/ زين ممدوح

 تعالى يا جملات نسهر النهاردة قدام التلفزيون،
بقى لنا كتير ما قعدناش وسهرنا معاه سهرانتا الجميلة _
هو فى إيه فى السهرة ،فالكون كريست،

لا صحيح احنا النهاردة السبت نتفرج على نادى السينما، _
سيبك من دا كله ،
هنتفرج على فيلم عربى قديم لعلى الكسار على بابا و 90 حرامى ! _
مش كانوا 40 يا مرزوق _
كانوا يا جملات، الزمن بقى غير الزمن،فالحرامية كتروا _
عندك حق _وبعدين يا بت مش لازم السرقة تبقى فلوس ماهو اللى بيسرق الأحلام حرامى،
واللى بيسرق الكلمة حرامى وتاهت الضحكة وسط كوم من المآسى نهايته اعملينا لنا كده كوبايتين شاى مع الفيلم _
من عنيا _وحياة عنيك بلاش الكنكة،
اعملى فى الكزرونة !!