تعلم أن تتعلم . بقلم .محمد غراب

 البدايات دايما صعبه .... كل شئ انت جاهل به تكمن فيه الصعوبه... لحد ما تقدر تتعود على الصعوبات دى وكل ما تتعود كل ما الموضوع يبقى سهل.... والصعوبه والسهوله لأى شئ حاجه نسبيه مختلفه بين شخص
لآخر. بمعنى انت شايف ان تعلم لغه جديده اووسواقه العربيات او حتى ركوب الدراجه صعب ... بس بالنسبه لأشخاص تانيه الموضوع اتفهه مما يمكن وممكن الشخص الآخر يستغرب على انك مش قادر على فعل اى شئ من الأشياء إللى بيجدها هو ولو عملت حاجه بسيطه جدا بالنسبه له ممكن جدا ...الشخص الآخر يشفها مستحيل ... قدرتنا بتختلف باختلاف امكانياتنا العقليه والجسديه...والماديه ايضا ... فلو سمحت لو بتقدر تعمل حاجه و شايف نفسك موهوب فيها وناجح فيها وغيرك مش قادر يوصل إلى انت وصلت له فامتقللش من قدرات إللى قدامك... ربنا خلق كل إنسان ليه ميزه فيه هي تخليه متفرد فيها وزى ما خلق الميزات دى فينا..احنا كمان خلقنا بعيوب تطمس الميزات دى بالتفرد والانانيه والنرجسيه المفرطه .. فا بلاش تقتل تفردك وميزتك بسخريتك وغرورك... احمد ربنا على نعمته عليك .... قول انك تعبت....اتعلمت....فشلت....لحد ما وصلت مش عيب .... مش عيب انك تقول عيوبك قبل نجاحاتك ومميزاتك... مش عيب انك تعلم وتشارك تفردك وموهبتك لغيرك ... والأشخاص المختلفه إللى بتحاول تتعلم لو مش عارف تتعلم وخايف ومكسوف . مش عيب انك تقول مش عارف .. مش عيب انك تقول عاوز افهم دى ... لو حد اتكلم معاك ومش قادر تفهمه قوله انك مش فاهمه لو سمحت قولى تانى ... حتى لو كنت بتتكلم مع حد اصغر منك وأعلم منك ..اتعلم اسمع استفيد ... احنا للاسف مجتمع خلط بين العادات والتقاليد والصواب والخطأ. العادات والتقاليد بتقول انه عيب تغلط انك تقول معرفش . انك تقول مقدرش اعمل ده .. لكن الصواب والخطأ هو انك تقول معرفش وتتعلم وتحاول ...فبقدر معرفتك بقدر علو شأنك....والخطا كل الخطأ لو ماقلتش لا اعلم..لا اعرف ....... وهذا هو الخطأ ..... ضع عاداتك وتقاليدك الباليه جانبا....ولا تخجل ولا تقل ان الخجل ليس من شيم الرجال ..بل هو قمه الرجوله ان تخجل من نفسك وتعترف بأنك لا تعلم اشياء من حولك... قمه الرجوله ان تنصت لكل من حولك...حتى اولادك زوجتك......تعلم منهم انصت لهم........ حتى تكون لك كل البدايات الصعبه ..سهله عليك .. تعلم أن تتعلم .....