نصيحةٌ في الطّريقِ خاطرة بقلم هناء محمد .

 أعظم قائد في الوجود. اللي لنفسه راح يقود. إيّاك تسمح للظروف.
 أو أي صاحب سوء. يرجعكَ خطوة ورا.
 في طريقك هتلاقي جاهل.

 جنبه واحد دايمًا يجادل.
 هتتشوف كمان متشائمين.
 سموا نفسهم واقعيين.
 إوعاك تسمع لهم.
دول للطاقة سارقين.
ياما هتقابل مكتئبين.
 لليأس و الإحباط ناشرين.
 في الانتحار بيفكروا.
 الدنيا في عينيهم سودا.
 أحسن أبعد عنهم.
لتبقى واحد منهم.
نصيحة من خبرة سنين.
دور على ناس طامحين.
 للنجاح حابين.
يقعوا بس مكملين.
 بالخير دايمًا متفائلين.
بكل إصرار و أمل.
 دايمًا دماغهم مليانة.
بالمشاريع الكسبانة.
 مبدأهم مفيش بطالة.
 ميعرفوش الخسارة.
 المستحيل ليهم صديق.
 لو لقتهم في الطريق.
 كمل معاهم للنهاية.