كان يا مكان لم يعد أحد كما كان بقلم د.اميرة مجدي

هو صحيح أية إللي بيحصل راح فين زمن الإحساس،فين الحب وفين العشرة؟ والود كده هان علينا،اية جرا أية! لية الكرة ولية القسوة فين الحب والحنية. كان يا مكان عالم تاني دنيا غير الدنيا،كان فية رحمه وقلب
بيحزن على حال غيرة وقلوب تانية تداوي جروح. اية يا زمنا اية اللي جرالك؟ كل يومين نسمع بحكاية، اطفال بتموت وبتتعذب راح فين زمن الحنية لية العنف هو حياتنا،فين العيلة ودفء العيلة،وبيوت ياما بتتهد وكبار مابقاش ليهم كلمة،ارجع يا زمن بينا من تاني ولا عايزين فيس ولا واتس،عايزين أبوابنا ترجع بتخبط من تاني في الفرح بنتجمع وفي الحزن بنواسي ايدينا في ايد بعض وقلوبنا على قلوب بعض. لف بينا يا زمن وارجع ودينا عند البيت الكبير واللمة الحلوة. "علموا اولادكم الاحترام والأخلاق والقيم الحميدة،لا تتركوا لهم ميراث من المال والجاه بل ورثوهم الخوف من الله قبل أي شيء" *لا تعيب على الزمن فالعيب كل العيب منا نحن البشرية الضائعه!.