وحب يبقي حققنا المعادله الصعبه لأن الحب بيروح بيجي واللى بتحبه انهارده ممكن جدا تكرهه بكره ولا تعتمد علي الشهوة لان عمرها قصير جدا وملوله جدا عزيزى القارئ الحب والكره والفرح والحزن كلها انفعالات متغيره من لحظة للتانيه مينفعش ابني عليها حياتى علشان كده نصيحتى ليك دايما وقت الاختيار خلي معاك حد بيحبك و بره الصورة لانه هيكون شايف كل الامور والزوايا بشكل عقلانى اكتر غير متأثر بالعواطف ولو انى بشوف كتير من الشباب مبيسمعوش اصلا لأهلهم مع انهم ممكن يسمعوهم و بعدها يقرروا ولكن للأسف رغم انهم اكتر ناس قلبهم عليك وبيتمنوا سعادتكم لو بتدور علي زواج يدوم وبسعاده يبقي لازم يكون قايم علي خليط من الحب والتفاهم والعقل والتكافؤ مع وجود الإحترام المتبادل و الأخلاق والحاجات دى تخلي الحب يزيد ويزيد حتى لو مكنش موجود اصلا . والعكس لو بيحبوا بعض جدا والحاجات دى مش موجوده يبقي الحب هيموت تدريجيا نتيجه لخلطة مشاكل متنوعه توصلهم للكره وللطلاق و اهم حاجه فالزواج الناجح التكافؤ بمعنى مينفعش يبقي فيه فروقات ماديه أو إجتماعيه أو تعليميه او سنيا كمان لأن مع اول مشكله هتبتدى المعايره والتجريح فأهتموا جدا بالتكافؤ والتقارب هترتاحوا وده كان اول شرط للزواج الناجح وللحديث بقيه....
ليست هناك تعليقات:
إرسال تعليق