في وسط الزحمة والكلاكسات والعربيات ماتيجوا نشوف مصر بعيون جديدة القاهرة ليها في كل حي وكل شارع قصة وحكاية تعالوا نعرفها ونفكر فيها شوية يعني وقفة بوقفة بقى لما تمر بحي العجوزة فكر البداية كانت الحكاية الرومانسية لما نازلي هانم بنت سليمان باشا الفرنساوي حبت
تحقق امنية جوزها شريف باشا والي ملحقش يحققها في حياته وهي بناء مسجد على ارضه المطلة على النيل وفاءا له بعد وفاته وبالرغم من كبر سنها الا انها كانت بتنزل وبتشرف على بناءه بنفسها يوميا وده الي خلى اهل المنطقة يسموا المسجد اسم مسجد السيدة العجوزة. لغاية هنا خلصت قصة الرومانسية وحب ووفاء الزوجة لزوجها المتوفى ورغبتها وحرصها على تحقيق امنيته حتى بعد وفاته،خلصت عشان تبدأ الفكرة الحقيقية ورا القصة وهي الي هتفضل باقية ، قصة وفاء القدر لتلك الزوجة الي حبت تحسن لزوجها ببناء مسجد باسمه فيكافئها القدر بان يصبح المسجد بل والحي باكمله بكنيتها هي وصفتها مسجد العجوزة . السؤال بقى هنا هو احنا فعلا بنبقى فاكرين اننا بنعمل الحاجة لغيرنا والحقيقة اننا بنعملها لنفسنا ؟ وفعلنا يبان لغيرنا والحقيقة مردوده علينا احنا ؟ احتمال لكن الاكيد هو انه " هل جزاء الاحسان الا الاحسان " الى اللقاء في حي او شارع جديد وراه فكرة وقصة جديدة
حلو اوي ❤️
ردحذفلجميله يا سمر واسلوبك بسيط وجميل زيك
ردحذفوحلوه قوي القصه واحلى منها العبره اللي فيها.
مستنيين حكايات اكتر وقصص أكتر
وديما في تقدم ونجاح لأنك تستاهلي كل خير
الله .. كل أفكارك جميله و انتي أجمل
ردحذفتعرفي انا في حاجه بتربط بيني و بين العجوزة .. دا كفاية فيها مسجد الحصري اللي التربية فيه و انا صغيره ربنا أكرمني و حفظت فيه فتره من حياتي كانت بكل حياتي .. جميل إني اعرف سبب التسمية