ومن الحب ماقتل

بقلم - صابرين جابر

 سمعنا كتير ومن الحب ماقتل بس اول مره اسمع عن ومن العشم ماقتل هل ممكن ان احنا نتعشم في ناس لدرجه ان نوصل لدرجه القتل. ايه هو العشم أني احب إنسان لدرجه أني أتعشم فيه ان مهما اعمل فيه هو
عمره ماهيكرهني او عمره ماهيسيبني هل العشم ممكن يوصل الإنسان انه يقتل اللي بيحبه وساعتها يقوله انه عشمان فيه . وهنا القتل مش معناه أني بجد اقتله لا انا ممكن اضايق اللي بحبه لدرجه انه يتمني الموت انا ممكن اخنق اللي بحبه بأفعالي لدرجة انه يتمنى الموت وفي اخر أي علاقه يقول او تقول اصل عشمان فيك عشمان انك ماتسيبنيش مهما اعمل فيك. عشمان انك تفضل جمبي مهما أكون قاسي معاك انت كده بتحط سقف عالي من كتر عشمك في الإنسان اللي ادامك بس الإنسان طاقه وممكن في لحظه طاقته تنفذ خلاص خلص كل المشاعر الجميله اتجاهك من كتر أفعالك السخيفه اللي انت بتقول عليها عشم والعشم ده بيكون بين اتنين العلاقة مابينهم.