سوء الأختيار

تحياتي  لكل أصدقائى ومتابعينى النهارده هنتكلم فى موضوع مهم جداا وهو سوء أختيار الزوج للأسف الشديد الأهل بينخضعوا هما واولادهم فى المظهر الخارجي
وكتير منا ما بيفكرش حتى يسأل وبيتكل على الله وبيتمم الجوازه وحتى لو سأل الأهل وطلع أخلاقه كويسه وبيصلى والناس كلها بتمدح فيه ممكن يكون ماعندهوش ضمير مؤذي بخيل متدلع أهله متسلطين وللأسف الشديد الكلام المعسول بينسينا كل دا ونقول بعد الجواز هيتغير أو تكون الجوازه جوازه صالونات أو بلاء حب بيبقاء زيد زى عبيد زى نطاط الحيط والأهل بيكون ليهم أكيد وجه نظر تانيه من الناحيه الماديه طبعا واللى بتشرب وبتشيل الليله هى البنت الحقيقه بتكون صعبه لأن الزوج بيظهر على حقيقته مافيش حد بيتغير لان دا طبع والطبع مش بيتطلع الا بتطلوع الروح تلاقى البنت سنها ٢٥ سنه مطلقه وشايله طفله على دراعها ومتبهدله فى المحاكم يأما قاعده بتخدم فى أهلها ماهما اللى شايلين الليله تعمل بأكلها سوء الأختيار هو اللى بيهدنا كده وبيبهدلنا مش انا بس لا اللى بيتبهدلوا وبيشيلوا الليله معانا ولادنا كمان نصيحه لازم نحسن الأختيار وأسأل عنه وعن أهله لان بيوت كتيره بتتخرب بسبب الأهل وأعرفه كويس جدا وفيه حاجات كتيره جدا بتظهر فى الخطوبه وبتكون واضحه وبلاش نضحي بأسم الحب الحب لوحده مش هينفعك ولا هينفع ولادك ولا نقول جوازه والسلام أنتى مش هتتجوزى كل يوم وزى ما بيقولوا دى جوازه العمر ياريت نختارها صح مع أطيب الأمانى للجميع بحياه أسريه سعيده تحياتى/ بقلم شيرين علي