العيد جيه ومعنديش لبس جديد

بقلم هبه عادل 

 متزعليش ان العيد جاي وانتي معندكيش لبس جديد ايه المشكله؟ بنات كتير ملحقتش تشتري او لاي سبب من الاسباب مش هيكون عندها لبس جديد للعيد ، متزعليش وقومي هاتي طقم جديد من دولابك الحل عندك
مقانتي ازاي بقا ؟ قومي افتحي دولابك وطلعي قطعه ملبستيهاش من قربب وطبعا اي طقم متعودين نعمله مكون من توب وبنطلون او جيب علي حسب ستايل لبسنا ، خالينا متفقين ان الطقم بيكون في الغالب مكون من قطعتين طلعي قطعه مظهرتيش بيها قريب والبسي عليها قطعه تاني مش متعوده تلبسيها عليه غيري الاكسسورات والشنطه والشوز ، غيري لفه الحجاب او لو بشعرك غيري التسريحه او حطي هيد باند جديده مثلا ، اسهلك الموضوع اكتر لو عندك قميص دايما متعوده تلبسيه مقفول افتحيه المره دي والبسي من تحته تي شيرت وبنطلون وطبعا زي ما اتفقنا هنغير الشنطه والشوز والاكسسورات ، بلاوز معينه بتلبسيها لوحدها المره دي البسي عليها كاردجان او كيمونو ،، اقعدي العبي كدا نص ساعه بس في الدولاب واوعدك هتطلعي بطقم جديد ومش عايزاكم تنسو ابدا اننا حلوين دايما وروحنا الحلوه هي اللي بتغطي علي كل حاجه ، كل سنه وانتم طيبين وفرحانين علي طول