...........( ذنبنا إيه )...............
ذنبنا ايه يادنيا لما يحبني وقلبي بيحب غيره
واللي حبيته مش حاسس بيا وبيحب غيري
وطولتي نهار ايامنا وساعات ليالينا
كتبتي علينا اللي مش حاسين بيهم ولا شايفينهم
واللي حبيناهم مش حاسين بينا ولا شايفين هوانا
بعيد عننا اللي بنحبهم وواحشينا اللي بنتمناهم
وعايشين ويا اللي معذبينا وكإننا مش وياهم
وواخدنا الفكر في اللي بعيد عننا ومش عايشين معاهم
وغريبه يادنيا غريبه مش جايه ليه علي هوانا
بتبعدي قلوب المحبين ومعيشاهم في ملامه
وقاسيه يادنيا قاسيه لما تجمعي قلوب المتغربين
وغداره يادنيا غداره لما تضلي طريق المحبين
ليه يادنيا بتحرمينا من اللي شايفينهم فرحتنا
وتعذبينا يادنيا طول سنين رحلتنا
نوفي لحبايبنا ونتمني منهم الود والوصال
ونعيش حياتنا الفكر سارقنا ومشغولين البال
وغصب عننا يادنيا كان عذابنا مهواش اختيار
واللي شاينلهم في عنينا قاسين علينا ليل ونهار
واللي نودهم ونتمني قربهم بيحنوا للي مش معاهم
ناسين هوانا وقلبهم ميال لحد تاني في هواهم
وقاسين ع اللي اتعلقوا بيهم وبيتمنوا رضاهم
ونبقي عايشين مش قادرين نستغني عنهم
ولا هما قادرين يستغنوا ع اللي مش وياهم
نعيش ونظلم اللي يحسوا بينا ونّْحِن للي يعذبونا
ونتظلم من اللي مالوا لغيرنا وبقسوه رامونا
وتفضل قلوبنا في صراع ودموعنا مش سيبانه
كل واحد بيفكر في اللي غايب عنه وناسي الحبايب
لابيرحم قلب اللي حبه ولا راحم قلبه اللي بعيد عنه وغايب
عايشين ومحدش راضي بحاله ولا حد عايش سعيد
وصبح الموت اهون علينا من موت القلوب
وعذابنا علي نصيبنا صبح كل يوم بيزيد
لا قادرين نكره حبايبنا ولا عن الحب قادرين نتوب
مستحيل نكمل حياتنا بالقسوه دي وبالشكل ده
وكل واحد في طريقه تايه عن حبيبه علي طول كده
وانتي يادنيا غداره وبتلعبي بينا ومش مريحانه
لاقلوبنا قادره ترتاح ولا عارفه تبقي فرحانه
الله يسامحك يادنيا ظلمتينا وانتي نسيانه وشمتانه
ومعيشانا بقلوب مهمومه وبالحزن مليانه
ليست هناك تعليقات:
إرسال تعليق