،،،،،،،كلامي نسيته،،،،،،،
******************
كلامك ليه بيوجعني
وليه بتفوتني لاوهامي
تعالي عندي واسمعني
كلامي خلاص مش عاجبك
بقيت تبعد وتنساني
ورغم اني هويت قلبك
هونت،،، عليه وبكاني
انا مش عارف اقول ايه
وايه خلاك واحد تاني
انا وانت كنا حكايه
وكان الحب رباني
مافكرناش في نهايه
ولا هاتوه الحاني
انا عملت هواك غنوه
وفكرت اعيش بيها
وقولت حروف اسمعها
وعمري بيوم مااعديها
عشان كل حرف كتبته
قصدت عنيك اهديها
وآخرها تتوه مني
عيوني بقسوه تبكيها
وتخلف في الهوا ظني
مشاعرك ليه وينهيها
وبتبكيني انا وقلبي
وروحي معاك مخبيها
كلامي ليه مش عاجبك
بقيت تبعد وتنساني
وانا الي كتير عنيت حبك
وتاه من قلبي عنواني
وعاش أيامه هناك جنبك
وفوتني بهمي اعاني
قريت سطرين وانا جنبك
فهمت انك واحد تاني
ومهما اعمل عشان ارضيك
طريق ونهايته حرماني
هاتفضل ذكري جوايه
وافوت السهم لعنواني
عشان بكره انا عارف
هاترجع ليه من تاني
وتعرف انك ظالم قلبي
وانك قاسي واناني
ليست هناك تعليقات:
إرسال تعليق