جريدة ألماس الشرق-طلع الحلو اللى فيك-بقلم/يحيى العبادى

،،،،،،،،،،،،،طلع الحلو إلي فيك ،،،،،،،،،،،،،
*************************
ايوه الجدع ولسه باقي كتير بدع 
القلب مات جوه الكلام والعمر فينا اتخدع
والحب كان رمز زمان الوقتي راح من الصرع 
والحزن من وقت إلي مات جوه البشر
والحب جوانا كان زي الازاز إلي انكسر 
والفقر زي الموت تمام ماتقولش اكتر من كدا
ومهما تحس بحلم ابقي حسه  بس وقول رضا
اصل إلي كان  عايش عشان حلم مات
والي فارد حلمه علي شريط الزكريات
والي باقي من خياله قولي فين ولي وراح
راح بعيد ضل الطريق والا مات  من الجراح
والحقيقه انك بتحكي عن كل حاجه في الحياه
إلي اتوجع بالفقر  في الدنيا ضاع وتاه
والي عاش بالحلم عاش وبقلبه  الف اه
والنهايه كلها حروف بتركب علي الكلام
والي بكتبها عارف انها كلها وهم وبدع 
والي يقرأها يفهمها ويعرف انه كان جدع
داس علي الفقر بحذائه وعاش بحلمه مع السكارا 
وقال علي كل البشر انا الجدع وانتم ليه حيارا 
دالي يعرف يعني ايه تنام جعان
او تشوف الوهم ساكن بالمكان
او تنام في البرد وسط الزرع والغيطان 
او تعيش مش لاقي حتي اربع حيطان
او تروح او تيجي ماتشوفش في الخطوه امان
هي دي ايام وناسها وهي دي اصل الحكايه
إلي كتير من ناس تعيشها والتراب هوه النهايه
آخر الليل زي اول النهار الخلا ملجأ ليهم ودار
وانت رايح جي شايف كل حاجه بعنيك
لاحسيت بيهم و دعيت ليهم ولا حركت باديك
هوه ده الفقر إلي قالو عليه والا الفقر إلي فيك
حس بالناس بلاش تبص من فوق عليهم
انزل شويه وحس واعرف إلي فيهم
الحياه صدقني ابدا ما تساويش 
مين ضمنها يوم او ضمن فيها يعيش
والا فاكر انك حياتك دي مابتنتهيش 
حس بالناس وشارك الاحساس معاهم
أفرد جناح الحب والعطف ونول رضاهم
تلقي كل الدنيا جنبك بالمحبه بتراعيك 
تلقي كل الي لاقيتهم  بكل حب جاينلك يدعو ليك
تعرف ان الخير ده ليهم وانت بس معاهم شريك
ايوه اصحي فوق تعالا طلع الحلو إلي فيك