🏃 📖 📚الطريق إلى النجاح
النجاح بإيدك إنت
مش بإيد أى حد
النجاح لما تريده
النجاح مش كلمه سهله
النجاح تـعب وكـد
النجاح يعنى العزيمه
النجاح يـتشد شـد
النجاح تـثق فى نفسك
وماتعتمدش على أى حـد
من الصعاب هاتلاقى ياما
مايهمكش أى حـد
خليك سيف شهم فـ طريقك
وسـن سيفك من كل حـد
سـيف بتار قاطع أمامه
كل ظالم ومـاتظلمش حـد
عِـلمك نجاحك وسط أهلك
وراسك مرفوعه جـد الجـد
خـلِّى بـالك ده راسمالك
وخـد كلام جِـدك بِـجد
عَـرقَك وكَـدك دول طـريقك
طـريق مـن جَـدَّ وجـَد
يـاما جِـدك قال لوالدك
خـلِّى عِـلْمك نـور بِجد
نـور يـنور لـك طريقك
مايكونش فيه أى ســد
إبـعد عـن الحـساد يـا إبنى
وإبـعد عن العـين والـحسد
دا ربك قال فى قرآنه
مـن شر حاسد إذا حـسد
خـد نصيحتى واعمل بيها
مايصيبكش فى يوم حـسد
وامشى فى طريقك لم تخاف
حتى ولو كان فيه أسـد
وخـلى بالك من أخوك
أخوك ده هُـوَّ ليك عـضد
أخوك ده قلبك هـوَّ نبضك
أخوك أهم من أى حـد
خـد كتابك ويـا قلمك
دول سلاحك مش أى حـد
وإرضـى ربـك قـوم وصـلِّى
دا ربـك الواحـد أحـد
آمـن بـربك واعـرف إنه
ربـك الفـرد الصـمد
ليست هناك تعليقات:
إرسال تعليق