جريدة ألماس الشرق _على قهوة المحجوب _بقلم /محمد إبراهيم عبد السلام بكري

على قهوة المحجوب
إمدح ياسيدنا الشاعر
         دا المولد هناك منصوب 
والكل قاعد وصانت
         لمديحك  المرغوب
هات اللى عندك وامدح
         فى نبيك المحبوب
إشعر وامدح كإنك
       بتقرا كتاب مكتوب
شِعرك جميل وأصيل
       لإنك شاعر موهوب   
الشطرة بعد الشطره
        وتلحن المكتوب  
 موسيقى عذبه وجميله
           تخلى القلوب تدوب 
دوبنى دوب دوبنى
         فى هوى الحبيب بأدوب
بتبنى بيت على بيت
         من غير مونه ولا طوب
وماشى عالقافيه لوحدك
         ومافيش فيها مشطوب
شِعرك مش وارثه ياشاعر
         ده منحه وليك موهوب  
   قربت أخلص كلامى
         واقفل كتاب مكتوب    
واشرب معاك فنجانى
          على قهوة المحجوب
دا هو صاحب مزاج
          عالقهوة ساعة الغروب
يقعد يسمع ويكتب
          ويمدح فى  المحبوب
عالقهوة نقعد نغنى
          ودى قهوة المحجوب