جريدة ألماس الشرق _قلمي مشتاق للحروف _بقلم:الشاعر/يحيي العبادي

قلمي مشتاق للحروف
،،،،،،،،،،،،،،،،،،،،،،،،،،،،،،
اكتبو عني اكتبولي
انا قلمي مني تاه
لما فاتني معدش بيرجع
لسه عايش جوه اه
اكتبولي قولولي اهلا
واحكو عني لما كان
او نادولي بقلب يمكن
افتكر ايام زمان
او خدوني ببحر الحروف
هوه ده لقلمي الامان
ليه ساكني رعب وخوف
ليه مش حاسس امان
هوه قلمي مني راح
هوه ضاع وكان سلاح
والا كان رمز ليا
ايوه كان  فرحه ونجاح
اكتبو عني اكتبولي 
أسأليني كنت فين
من عزاب قلبي ارحموني 
قلبي ياما عاش حزين
وانهرضا نفسي ارجع
نفسي اكتب كل الحروف
ولسه باقي البعد يوجع
وقلمي مليان رعب وخوف 
اكتبو عني اكتبولي
وانا بقلمي هاكتب لما اشوف
انا عاشق للكتابه
قلمي مشتاق للحروف