اسألوني عن الاحلام
،،،،،،،،،،،،،،،،،،،،،،،،،،،،،،،،،،،،
هاتسألوني عن الاحلام
هاقولكم قلبي نساها
هاتقولو لي الحب بكام
دي مرحله قلبي نهاها
يمكن بيوم انا القاها
ماتفكروش كتير وتقولو
العين بجد شيفاها
بس الحقيقه مش احلام
دي جروح ونفسنا عيناها
ورانا دايما فين مانروح
جايه علي نفسي وذلاها
هاتسألوني ليه بصو وشوفو
قلبي إلي ظاهر من خوفو
وعيون بتجري تهرب فين
هاتروح لخفرع او خوفو
ايام هاتسهر تستني
وسنين بمرها بتعدي
ومهما فيها هاتتمني
ومهما تجري وتهدي
هاتشوفها دايما بعيوني
وتحس بيها بلون خدي
احلامي اوعي تسألني
عنها تقول انها وردي
اقري كلام يوم ورا يوم
وافهم حروفه ومضمونه
إلي بيوم هاتشوفه فرحه
بكره حبيبه هايخونه
والي في الدنيا بحبك
اعرف تاريخه ومضمونه
ماهي دنيا وفيها كتير
والجرح قلبي انا زبونه
هاتسألوني عن الاحلام
هاقولك قلبي نساها
هاتقولولي الحب بكام
دي مرحله وقلبي نهاها
ليست هناك تعليقات:
إرسال تعليق