******رمضان زمان ****
*** * *** ** * *** ** *
مقارنة من أربعين سنة وحتى الآن
باحتفالات خاصة برمضان
،،،،، الغنى اليوم قاعد حريص على القرش
والفقير قاعد غلبان
ولده حزين جعان
يضحك علينا الشيطان
مجاعات ماليه الدول الآن
،،،،،
والغنى فلوسه ماليه بنوك الغرب
فين المبادئ والعادات ياعرب؟
،،،،
اليمن وسوريا راحوا يواجهوا
مجاعات
وأثيوبيا والسودان ولبنان
الجوع نهشهم كمان
ياعالم حسوا بالجعان
رجع آلة الزمان
رجعني للي كان
أنا قرفان من كل شئ الآن
،،،،،،
كنا زمان كل ليله
تجمع العيلة
لرمضان نعمل هُليله
حولين الراديو منتظرين
لصوت الآذان مستمعين
يضرب المدفع،، نسمى
رب العالمين
فؤاد وشيكار مشغلين
***يقول أبويه ****
اليوم كان حٓر نار
زيدوا من السلطه والخيار
الكل عطشان،،، حتى الورق
ع الشجر دبلان
سبحان مِنْ يعدي رمضان
،،،،،،
هاتوا العصير صبوه
يقول هيمه هاتوا البطيخ هاتوه
تقول فاطمة السوق اليوم غلوه
تقول أمي علشان رمضان السعر علوه
ترد حياة هاتوا البطيخ شقوه
تقول سعادة في كنافة يابه
تقول أمي ربنا ما يقطعها عاده
شامم ريحتها ياسعادة
المهم يكون سكرها ذيادة
تقول أمي البطيخ والكنافة
بالقطع عِدوه
عددنا قطعوه
لأجل الكل يأكل،، الكل بيحبوه
امبارح كان شعبان واليوم رمضان
عقبال كل عام والجميع سعيد فرحان
يسأل البنت نعايم فين؟
مش سامع لها كلام
ترد أمى أوام
كانت صايمه هيا كمان
يضحك نصومها طول العام
لأجل تصوم عن الكلام
قالبه دماغنه دايما من الكلام
يطبطب يضم
اليوم صمتى نعوم
نعم يابه،،، عقبال كل عام
وتكون الصحة تمام
،،،،،،،
كل عام وانتم جميعاً بألف خير وصحة وسلامة يارب
شمال سيناء... مصر
ليست هناك تعليقات:
إرسال تعليق