،،،،،،،،جهزوها لنصيبها،،،،،،،
*****************
هاتذوقوها وتهندموها
للي جاي في يوم ياخدها
هاتكبروها وتفرحو بلف عودها
او حتي ضحكه تبان بشوق جوه عنيها
او فرحه تدخل لها وتلمس الحلم إلي فيها
هاتزوقوها و تسرحولها شعرها وتزينوه
وتعملولها قصه فوق جبينها والرمش تخططوه
وتنادو علي الي رايح علي المدينه ام البلاد
وتبعتو وياه يجيب إلي يزينها ويبقالها عتاد
ويجي حد بجد ازاي اقول عنه وليه
هوه نصيبها هوه قدرها بكره تتحمي بيه
وتفوت طريقك وتهجر بيت أنت فيه
وتروح معاه علي حياه رسمهالها بشوق
والكلمه مرسومه وحلوه والي بيحكي زوق
والضحكه موال زي طلعة شمس الشروق
والبيت بقي مملكه وهي بس ست البيت
والقلب ملكه الحبيب منها من وقت ماجيت
والعمر كان قبل لقاه من غير طعم ولا معني
والوحده فيه كانت كأس مر شربنا وشبعنا
ولما زارونا الحبايب عشنا الفرح في الموال
وجانا كل قريب يبارك لابويا وامي وعم وخال
وفرحة الدنيا بعيونها وليها راجل عشقه حلال
وحلم فستانها الابيض وسط الزفه والموال
ياحب عمري إلي جاي وانا مشتاقه من بدري
اجري عليه وافرح بلقاه واضمه انا بصدري
هوه حبيبي ونصيبي وهوه اكيد قدري
ليست هناك تعليقات:
إرسال تعليق