يااليمن ياالسعيد
طفوا نورك من بعيد
قوليلي
مين هيمسح دمعتك
مين كسر فرحتك
مين علا صرختك
انت يايمن السعيد
قالوها انك يمن سعيد
السعادة كانت للوجود
اللي زارك كنتي ليه اّمن وسلام
دلوقتي بات ليكى ظلم وعدوان
اعتدوا عليكي ياطيبة
يامرسى ومينا للغلبان
يجى ارضك يطلب ستر الزمان
اصلك انتى يمن السعيد
وواحة اللي جاى من بعيد
البعيد يطرق بابك انتى فين
فين ارضك فين سلامك
فين سعادتك يانور العين
دخلوا ارضك طيروا منك سلامك
واليوم فيكى حزن ووئام
فين سلامك فين اّمانك ياطيبة
يارصاصة طايشة سكنت قلبك وعلمت
سابت دمعة رايحة جاية معلمة
كل يوم فيكى شهيد بيندفن
وجع قلب ام عليه بينفطر
واطفالك فين وداعك
كل يوم طفل يموت ويندفن
ارضك بتئن من بركان
ومفيش يد تمد للسلام
سابوكي ياغالية الاّوطان
رصاص الغدر طالك وهد فيكي
هد فيكى ومش طالع لك نهار
نهارك سعيد ياعزة الاّوطان
ياللي ارضك اتروت بدم مسك
اختلط بحنة وزعفران
كل شهيد مات بارضك قال
يااليمن يالسعيد
مات فيكي اكتر من مليون شهيد
حرام عليكم شيلوا ايديكم
عن يمنا السعيد
ورجعوا ليها العيد
انا شايفة اليمن جاية من بعيد
ربي هيشيل هو عنها
لان ربي قريب مش بعيد
وهتعلي الضحكة من تانى
وهحضر لها الاّغانى
اكتب والحن من تانى
واسمع العالم صوت غنايا
ولحن سعيد يجي من بعيد
يحيى الاّمل من جديد
وترجعى يااليمن ياالسعيد
كلماتى ...يااليمن ياالسعيد..
ليست هناك تعليقات:
إرسال تعليق