ملحمة تعويم السفينة
عامت السفينة
والماكينات بتدور
وباركوا من تاني العبور
واكتبوا صفحة تاريخ منورة
زرقاء بلون القناة
والحروف من نور
جيش من جيوشك يا غالية
من ولادك الأبرار
حارس قناتك بطولها
حراسة بلا أسوار
بالعلم والمهارة والخبرة
فحص..درس.. عاين.. خد القرار
إستعان بربه...وبرصيده
من عزيمة ومن إصرار
واستحضر عظمة الآباء
اللي من نفس المكان
حققوا في يوم الإنتصار
وسطر الملحمة
بحكمة واقتدار
ماعادش فارق معاه
ليل من نهار
هو هدف مطلوب تحقيقه
مهما كانت الأخطار
وسمعة بلد شايلها على كتفه
لايمكن تقع ولا تنهار
وبعد ست أيام
تعب...عذاب...مرار
ومد وجزر وتيار
وبعد صلاة الفجر
عامت السفينة
قبل طلوع النهار
ما هو ده سلو ولادك يامصر
يرفضوا طعم الهزيمة
ويستطعموا قوي طعم الإنتصار
=================
ليست هناك تعليقات:
إرسال تعليق