إبــنى
ـــــــــــــــــــــــــــــــــــــــــــــــ
ياللى نـاويت عالنسب
تـعالى خـد إبنى
أنـا ربـِّيت وكـَبَّرت
بـنِيته وربـِّيته
مـا هُـوَّ دا إبـنى
بـنِيت له مـستقبله
ومـستقبلى إبـنى
يـاللى تـِعلِّى فى البـنا
إبنى إبنك قوام إبنى
إتعلم منِّى الحلال
مـاأنا اللى كـنت بأبنى
وهـُوَّ دا زرعــِتى
علشان أصـونه وأجنى
كِـبِرْت وكـِبر فى عينى
وحـبيت أنا إبنى
تقول لـى تحب مين
أقول لك بحب إبنى
أشوف فيه صحتى
وأشوف مستقبلى مـبنى
وشفت بنت الحلال
قولت دى لإبـنى
طلـبت إيدها لإبنى
وهُوَّ مـا خـيِّبنى
دعـيت أشـوفه بيفرح
بـاللى مـناسبنى
حـطِّيت إيدى فى إيد
خالها علشان إبنى
وقـلت ياربى
إحـمى بحماك إبنى
وارزقه بـذريَّه
صـالحه زى إبنى
دا إبـنى غـالى عـليَّا
وأنـا بأحب إبنى
ليست هناك تعليقات:
إرسال تعليق