صياد
رحت فى يوم أصطاد
وصيدى للسمك غيه
طلعت لى بلطيه
رميتها تانى يوم
طلعت لى جـنيه
قولت لها عاوزه إيه
قولى لى ياوليه
قالت لى كلام معسول
ممزوج بحنيه
ماتخافشى ياحبيب الروح
أنا أصلى إنسيه
حبيتك وحبى ليك
مافيهوش مواريه
قعدت على شط الهوى
أرقب هواك ليا
راح من عينى النوم
وانت مش دارى بيه
إياك تبطل صيد
ولا ملاغيه
هانتظرك هنا على طول
ماإنت اللى باقى ليا
رجعت لبيتى على طول
مش دارى بالللى بيا
مسكتنى رعشة خوف
ياطول لياليا
جربت تانى أروح
عالشط بخفيه
مارضيتش أرمى الشبك
وأناجـى بـحنيه
وأغنى على الناى
مواال حزين ليا
طلعت لى ومعاها ورود
ومنوره الدنيا
شوفت ساعتها القمر
ونجومه ملاليه
واحده وعشقها القمر
وطلعت مش ليا
أنا رحت فى يوم أصطاد
وصيدى للسمك غيه
ليست هناك تعليقات:
إرسال تعليق