خبراتك تساوي حياتك
الأيام عمر .. عمرك اللي انت عيشته و عاشرت فيه الناس ، واتألمت وإتعلمت وشوفت أنواع كتير من البشر
ناس علمتك أنك تسكت وقت ما كنت بتاخد حقك بالكلام
وناس علمتك أن معرفه الناس كنوز
وناس تانيه علمتك أن الوحده أهم شيئ لازم تعلم نفسك على تحملها لأن محدش بيدوم لحد
ناس علمتك أن مشاعرك مش لازم تبقي مشااع لاي حد ولازم تعرف تعبر عن مشاعرك امتي ولمين وازاي
وناس علمتك أن الحياه أقصر من زعلك معاهم وان لازم تقدر وتعرف اختلافات الطباع و تستوعب أن الناس مش طبعك فأكيد ردود أفعالهم ليك مش هتساوي ولا تتكافئ مع رد فعلك ولازم تحترم الإختلاف و تدع الناس أحرار في كيفيه التعامل معاك بدون زعل ولا لوووم
مع الوقت هتقدر كل خبره مريت بيها مهما كانت المتك بس بالألم دا اتعلمت و بقيت شخصيه أكثر صلابه و تفائل و مرونه ..
هتقدر كل شخص بعد عنك بدون سبب وهتفهم أنك مش محور الكون علشان الكل يقف ليك تعزيم سلام
وهتتقبل أنك شخص عادي جدا في حياه ناس كتير وممكن كمان تكون شخص تقيل علي قلوب ناس انت ماعملتش ليهم اي حاجه
هتعرف أن قيمتك الحقيقيه جواك انت مش بمدي حب الناس ليك وقربهم منك
هتتعلم أن الحياه فيها كل شيئ من الإختيارات ولكن لكل اختيار أو قرار جزء من المتاعب و الإمتيازات
مفيش شيئ في الدنيا بدون مقابل
العمر يساوي خبرات .. مفيش عمر بيعدي بدون ما يغير فيك جزء من شخصيتك ..
وفي النهايه .. لو لقيت نفسك عمرك بيروح علي الفاضي وانت زي ما أنا يبقي دا جرس إنذار عليك انك تخاف منه و تنتبه ليه ...
اختلافك سر تفهمك
اتغير و تقبل تغيير الآخرين
الحياه مرنه
طور من نفسك دائما
اتعلم مابين سطور الأيام
ليست هناك تعليقات:
إرسال تعليق